Ellenrust Leefstyloord

In die bekoorlike kusdorpie van Stilbaai, langs die oewer van die Goukou Rivier, is die Ellenrust Leefstyl Oord geleë. Dit is hier aan die Suid-Kaap kus waar die riviermond en die Indiese Oseaan mekaar ontmoet.

Met n populasie van bykans 6000 permanente inwoners, ‘n onbesoedelde omgewing en ongerepte natuurskoon, bly Stilbaai n gunsteling vakansie bestemming in ons land. In hierdie veilige omgewing is Ellenrust Leefstyl Oord die ideale plek om jou te vestig in jou goue jare – rustiger en pragtiger kan dit nie!

Die besondere ontwikkeling bestaan uit 128 erwe; ‘n volledig toegeruste versorgings-eenheid met bystand-versorgingseenhede, asook n administratiewe blok en n gemeenskapsaal. Om seker te maak dat jou huis aan jou individuele vereistes voldoen, is daar 10 uniek-verskillende ontwerpe om van te kies. Sewe van die 10 ontwerpe is beskikbaar in fase 1.

Ellenrust word in 3 fases gebou – die eerste fase bestaan uit 42 enkeltitel erwe plus die eerste gedeelte van die versorgings-eenheid.

Ellenrust Leefstyloord het finale goedkeruing en hersonering gekry vir die ontwikkeling. Die bouwerk aan die huise begin in Junie 2022 en die eerste huise sal in September 2022 oorhandig word.